1. Најава со е-пошта. Внесуваш е-пошта до која имаш пристап. Ти испраќаме еднократен код од 6 цифри кој важи неколку минути. Со внесување на кодот се потврдува дека си реална, единствена личност — не се создава лозинка, ниту се бара каква било друга лична информација.

2. Избор на држава. При првата најава одбираш држава на живеење (Република Македонија или земја од дијаспората). Ова служи само за анонимна статистика на мапата на учество — не влијае на самиот глас.

3. Гласање на прашање. Секое прашање има јасно наведени опции за одговор. Избираш една опција и потврдуваш со копчето „Гласај". Гласот се запишува веднаш во базата, одвоено од твојот идентитет.

4. Едно прашање, еден глас. Системот запишува дека твојата е-пошта веќе учествувала на конкретното прашање, за да спречи двојно гласање. Овој запис не открива што си одговорил/а — само дека си учествувал/а.

5. Резултати во живо. По гласањето веднаш ги гледаш тековните резултати во форма на процентуални ленти. Резултатите се јавни, ажурираат се во реално време и остануваат достапни трајно, дури и откако прашањето ќе заврши.

6. Затворање на прашањето. Секое прашање има одредено времетраење (минимум 30 минути, а обично неколку дена). По истекот, гласањето се затвора автоматски и прашањето се преместува во Архивата, каде конечните резултати остануваат трајно јавно достапни.

7. Типови прашања. На платформата ќе најдеш два вида: референдумски прашања (обично со едноставен да/не одговор на важна јавна тема) и сондажни прашања (анкети со повеќе понудени опции за мерење на јавно мислење).

8. Мапа на учество и дијаспора. На почетната страница постои интерактивна мапа која покажува од кои држави учествувале гласачи, вклучувајќи ја целата македонска дијаспора — со цел да се види вистинскиот географски опфат на граѓанската volja.

9. Безбедност и спречување злоупотреба. Најавата со еднократен код на е-пошта гарантира дека секој учесник е реална и единствена личност. Дополнително, системот ограничува колку често може да се бара код (по е-пошта и по мрежна адреса, и најмногу 5 кода на час за иста е-пошта) и колку пати може да се обиде внесување на кодот, за да спречи автоматизирани или повеќекратни злоупотреби. Целата комуникација е шифрирана преку HTTPS. За подетално техничко објаснување види Безбедност и технологија.

10. Помош во секој момент. Копчето „Помош" (долу десно на секоја страница) дава брзи одговори на најчестите прашања, а за се друго можеш да пишеш директно на pomos@glasam.online.